16 വർഷം കൊണ്ട് 60 ലക്ഷം രൂപയുടെ ലോട്ടറിയാണ് പ്രകാശൻ എടുത്തത് ! കാവ്യാ മാധവനോടുള്ള അമിതമായ ഇഷ്ടത്തിന്റെ പുറത്ത് ജീവിക്കാൻ മറന്നുപോയ ഒരു മനുഷ്യൻ !

താരങ്ങളോടുള്ള ആരാധനയുടെ കഥകൾ നമ്മൾ ഒരുപാട് കേട്ടിട്ടുണ്ട്, അതുപോലെ കാവ്യാ മാധവനോടുള്ള ആരാധനയുടെ പുറത്ത് ജീവിക്കാൻ മറന്നുപോയ കാവ്യാ പ്രകാശൻ എന്ന ആളുടെ കഥയാണ് ഇപ്പോൾ വീണ്ടും സമൂഹ മാധ്യമങ്ങളിൽ ശ്രദ്ധ നേടുന്നത്, കാവ്യയോടുള്ള അടങ്ങാത്ത അമിതമായ ആരാധനയും ഇഷ്ടവും കാരണം ഒരു ജീവിത കാലം മുഴുവൻ ആ സ്വപ്നങ്ങളിൽ ജീവിക്കുന്ന ഒരാൾ.  പ്രകാശൻ എന്നാണ് പേരെങ്കിലും കാവ്യയോടുള്ള അയാളുടെ അന്ധമായ ആരാധന കാരണം നാട്ടുകാർ അയാളെ  കാവ്യപ്രകാശൻ എന്നാണ് വിളിക്കുന്നത്.  അതുമാത്രമല്ല  16 വർഷം കൊണ്ട് 60 ലക്ഷം രൂപയുടെ ലോട്ടറി എടുത്ത പ്രകാശന്റെ കഥയും ഏറെ അതിശയകരമാണ്.

കാവ്യയോടുള്ള അമിതമായ പ്രണയവും അടങ്ങാത്ത ആവേശവും,  നടിയെ സ്വന്തമാക്കാൻ പ്രകാശൻ കാത്തിരുന്ന കഥയും നാട്ടുകാർ തന്നെ വിശദീകരിക്കുന്നുണ്ട്. കാവ്യയോട് മാത്രമല്ല, ലോട്ടറിയോടും പ്രകാശന് അടങ്ങാത്ത പ്രേമമാണ് എന്നാണ് അവർ പറയുന്നത്. ലോട്ടറി എടുത്തു തുടങ്ങിയതിന്റെ പിന്നിലും ഒരു പക്ഷെ കാവ്യയോടുള്ള പ്രണയമാകാം എന്നും ചിലർ പറയുന്നു, കാരണം ലോട്ടറി അടിച്ച് പണക്കാരൻ ആയാൽ കാവ്യയെ വിവാഹം കഴിക്കാമെന്നും പ്രകാശൻ സ്വപ്നം കണ്ടുകാണും. ഒരു ദിവസം നൂറു ടിക്കറ്റ് വരെയൊക്കെയും പ്രകാശൻ എടുക്കാറുണ്ട്. കഴിഞ്ഞ മുപ്പത്തിനാല് വർഷമായി തുടരുന്ന ശീലമാണ് ഇത്.

അതിലും രസകരമായ മറ്റൊരു കാര്യം അദ്ദേഹം ഒരു സാധാരണ മനുഷ്യൻ, കൂലിപണിയാണ് തൊഴിൽ, കല്ലും മണ്ണും ചുമന്നു കിട്ടുന്ന പണം കൊണ്ടാണ് പ്രകാശൻ ഈ ലോട്ടറി എടുക്കുന്നത്. 16 വർഷം കൊണ്ട് 60 ലക്ഷം രൂപയുടെ ലോട്ടറിയാണ് പ്രകാശൻ നേടിയെടുത്തത്. എന്നാൽ അതിലും രസകരമായ മറ്റൊരു കാര്യം പ്രകാശന് ഇതുവരെ ഒരു ലോട്ടറിപോലും അടിച്ചിട്ടില്ല എന്നതാണ്.  നാട്ടിൽ കാവ്യാ പ്രകാശൻ എന്ന് പറഞ്ഞാൽ മാത്രമേ ഈ ലോട്ടറി പ്രേമിയെ അറിയുകയുള്ളൂ. അത്രയും ഇഷ്ടമായിരുന്നു കാവ്യയോട് പ്രകാശന്. കാവ്യയെ ഞാൻ വിവാഹം കഴിക്കും എന്നാണ് ഒരു സമയം വരെ പ്രകാശൻ പറഞ്ഞു നടന്നിരുന്നത്. അതിനായി ഒരുപാട് ക്ഷേത്രങ്ങളിൽ പൂജയും വഴിപാടും പ്രകാശൻ നടത്തിയിരുന്നതായും നാട്ടുകാർ തന്നെപറയുന്നു. കാവ്യയുടെയും പ്രകാശാന്റെയും ഫോട്ടോ ഒന്നിച്ചാക്കി വീട്ടിലെ മുൻപിലത്തെ മുറിയിൽ തന്നെ തൂക്കി ഇട്ടിട്ടുണ്ടായിരുന്നു. ആരൊക്കെ കളിയാക്കിയിട്ടും അതിനൊരു മാറ്റവും ഇല്ലായിരുന്നു.

പക്ഷെ അദ്ദേഹത്തിന്റെ എല്ലാ സ്വപ്നങ്ങളും തകർന്നത് കാവ്യയുടെ ദിലീപുമായുള്ള വിവാഹത്തോടെയാണ്, ആകെ വിഷമിച്ച് സമനില തെറ്റിയപോലത്തെ അവസ്ഥയായിരുന്നു പ്രകാശന് എന്നും നാട്ടുകാർ ഓർക്കുന്നു. ഇപ്പോഴും കാവ്യയോടുള്ള അദ്ദേഹത്തിന്റെ ഇഷ്ടത്തിന് ഒരു കുറവും വന്നിട്ടില്ല, ഇപ്പോഴും ഏവർക്കും ഒരു പരിഹാസ കഥാപാത്രമായി തനറെ ശേഷിക്കുന്ന ജീവിതം തള്ളി നീക്കുകയാണ് പ്രകാശൻ എന്ന കാവ്യാ പ്രകാശൻ.