‘ഈ കൈ പിടിച്ചിട്ട് ഇന്നേക്ക് 32 വർഷം’ ! എന്റെ സൗഭാഗ്യം, സന്തോഷം എല്ലാം അവളാണ് ! അച്ഛനും അമ്മയും എനിക്കായി കണ്ടുപിടിച്ച ദേവത ! ആഘോഷ നിറവിൽ സുരേഷ് ഗോപിയും രാധികയും !

സുരേഷ് ഗോപി എന്ന നടൻ നമ്മുടെ ഒരു വികാരമാണ്, ഒരു സൂപ്പർ സ്റ്റാർ, രാഷ്ട്രീയ പ്രവർത്തകൻ എന്നതിലുപരി നന്മയുള്ള ഒരു മനസിന്റെ ഉടമ കൂടിയായ സുരേഷ് ഗോപിയുടെ ഓരോ വാർത്തകളും വിശേഷങ്ങളും നമുക്ക് എന്നും പ്രിയപ്പെട്ടതാണ്, അത്തരത്തിൽ ഇപ്പോൾ ഇതാ ഇതാ ഒരു സന്തോഷമാണ് സുരേഷ് ഏട്ടന്റെ വീട്ടിൽ നടക്കുന്നത്. സുരേഷ് ഗോപിയും രാധികയും ഒന്നായിട്ട് ഇന്നേക്ക് 32 വർഷം. വിവാഹ വാർഷികം ആഘോഷിക്കുന്ന ഇവർക്ക് ഇന്ന് ഏവരും ആശംസകൾ അറിയിക്കുകയാണ്. അച്ഛനും അമ്മയ്ക്കും ഒപ്പമുള്ള മനോഹരമായ ചിത്രം പങ്കുവെച്ച് കൊണ്ടാണ് മകനും നടനുമായ ഗോകുൽ സുരേഷ് ആശംസ നേർന്നുകൊണ്ട് രംഗത്ത് വന്നതും ഏറെ ശ്രദ്ധ നേടിയിരുന്നു.  ഗോകുലിന്റെ ആശംസയും സോഷ്യൽ മീഡിയയിൽ വൈറൽ ആയിട്ടുണ്ട്.

അച്ഛനും അമ്മയും ഇതുപോലെ ഇനിയും ഒരുപാട് വർഷങ്ങൾ സന്തോഷത്തോടെ മുന്നോട്ട് പോകാനാണ് മകൻ ആശംസിച്ചിരുന്നത്. ഈ സന്തോഷ ദിനത്തിൽ ഇപ്പോൾ ഇവരുടെ വിവാഹ കഥയും ഒപ്പം സുരേഷ് ഏട്ടൻ രാധികയെ കുറിച്ച് പറഞ്ഞ വാക്കുകളുമാണ് ഏറെ ശ്രദ്ധ നേടുന്നത്. രാധിക നായർ എന്ന പ്രശസ്ത പിന്നണി ഗായികയെയാണ് സുരേഷ് ഗോപിക്ക് വേണ്ടി അന്ന് അച്ഛനും അമ്മയും കണ്ടെത്തിയത്. അവർ രാധികയെ ചെന്ന് കണ്ട് ഇഷ്ടപെട്ട ശേഷം കൊടൈക്കനാലിൽ ഒരു ഷൂട്ടിങ്ങിന് പോയിരുന്ന സുരേഷ് ഗോപിയെ വിളിച്ച് അച്ഛൻ പറഞ്ഞു,  ഞങ്ങൾ ഒരു കുട്ടിയെ പോയി കണ്ടു, ഒരുപാട് ഇഷ്ടപ്പെട്ടു, ഞങ്ങൾക്ക് മകളായി, മരുമകളായി അവൾ മതി, ഇനി നിനക്ക് നിന്റെ ഭാര്യയായി ഈ പെൺകുട്ടി മതിയോ എന്ന് നീ വന്നു കണ്ട് തീരുമാനിക്കണം എന്നായിരുന്നു.

എനിക്ക് പെണ്ണിനെ കാണേണ്ട കാര്യമില്ല, എന്റെ ഭാര്യ  എന്നതിലുപരി നിങ്ങൾക്ക് ഒരു മകളെയാണ് ആവിശ്യം, അച്ഛനും അമ്മയ്ക്കും ഇഷ്ടപെട്ട ആ കുട്ടി തന്നെ മതി വിവാഹം ഉറപ്പിച്ചോളാൻ പറയുകയായിരുന്നു, അങ്ങനെ വിവാഹ നിശ്ചയ ശേഷമാണ് രാധികയെ സുരേഷ് ഗോപി ആദ്യമായി കാണുന്നത്. ഇരുവരും തമ്മിൽ 13 വയസ്സിന്റെ വ്യത്യാസമുണ്ട്. രാധിക തന്റെ ഭാഗ്യമാണ് എന്നാണ് സുരേഷ് ഗോപി പറയുന്നത്, മാത്രമല്ല ഇനിയൊരു ജന്മം തനിക്ക് ഉണ്ടെങ്കിൽ ആ ജന്മത്തിലും രാധിക എന്റെ ഭാര്യയായി എത്തണം എന്നാണ് താൻ ആഗ്രഹിക്കുന്നത് എന്നും, അദ്ദേഹം പറയുന്നു.

കൂടാതെ ഞാൻ ഒന്നും നോക്കാതെ മകളുടെ ഭാവിക്ക് വേണ്ടി സമ്പാദിക്കാതെ പോലും മറ്റുള്ളവരെ സഹായിക്കുന്ന കാണുമ്പൊൾ ഒരിക്കൽ പോലും അവൾ അരുത് എന്ന് പറഞ്ഞിട്ടില്ല, കയ്യിൽ ഉള്ളതും കൂടി എടുത്ത് തന്നിട്ടേ ഉള്ളു എന്നും സുരേഷ് ഗോപി പറയുന്നു. ഏതായാലും തങ്ങളുടെ പ്രിയപ്പെട്ട സുരേഷ് ഏട്ടനും രാധിക ചേച്ചിക്കും ഹൃദയം നിറഞ്ഞ വിവാഹ വാർഷിക ആശംസ എന്നാണ് ഇപ്പോൾ സോഷ്യൽ മീഡിയ മുഴുവൻ കാണാൻ കഴിയുന്നത്….