എന്റെ സിനിമ ജീവിതത്തിൽ ഞാൻ ഏറ്റവും കൂടുതൽ കടപ്പെട്ടിരുന്നത് നടി ഉർവശിയോടാണ് ! ജഗദീഷ് പറയുന്നു !

മലയാള സിനിമക്ക് ഒരിക്കലും മറക്കാൻ കഴിയാത്ത നടന്മാരിൽ ഒരാളാണ് നടൻ ജഗദീഷ്. അദ്ദേഹം നായകനായും കൊമേഡിയനായും ഒപ്പം വില്ലനായും ക്യാരക്ടർ റോളുകൾ ആയാലും എല്ലാം വളരെ ഭംഗിയായി കൈകാര്യം ചെയ്യുന്ന ഒരു മികച്ച അഭിനേതാവ്. ഇപ്പോഴും അദ്ദേഹം അഭിനയ രംഗത്ത് സജീവ സാന്നിധ്യമാണ് എങ്കിലും കഴിവിനൊത്ത വേഷങ്ങൾ അദ്ദേഹത്തിന് ലഭിക്കുന്നില്ല എന്നതാണ് മറ്റൊരു വാസ്തവം. അദ്ദേഹത്തിന്റെ സിനിമ ജീവിത്തിൽ ഏറ്റവും കൂടുതൽ ജോഡിയായി അഭിനയിച്ചത് നടി ഉർവശിക്ക് ഒപ്പമാണ്.

ഇവർ ഒന്നിച്ച കുടുംബ ചിത്രങ്ങൾ എല്ലാം വളരെ വിജയം നേടിയവയാണ്. ഇന്നും പ്രേക്ഷകർ ഓർത്തിരിക്കുന്ന ഒരുപാട് ചിത്രങ്ങൾ ഈ കൂട്ടുകെട്ടിൽ ഉണ്ടായിട്ടുണ്ട്. ഇപ്പോഴിതാ തന്റെ സിനിമ ജീവിതത്തെ കുറിച്ച് ജഗദീഷ് പറഞ്ഞ ചില കാര്യങ്ങളാണ് ഏറെ ശ്രദ്ധ നേടുന്നത്. തന്റെ സിനിമ ജീവിതത്തിൽ ഏറ്റവും കൂടുതൽ കടപ്പെട്ടിരിക്കുന്നത് നടി ഉർവശിയോടാണ് എന്നാണ് ജഗദീഷ് പറയുന്നത്.

ഉർവശി എന്ന നടിയുടെ പ്രത്യേകത അവർ സിനിമ രംഗത്ത് വളരെ മികച്ച ഒരു അഭിനേത്രി മാത്രമായിരുന്നില്ല, അതിലുപരി വളരെ നല്ലൊരു മനസിന് ഉടമ കൂടി ആയായിരുന്നു. ഉർവശി സൂപ്പർ സ്റ്റാറുകളുടെ നായികാ ആയി അഭിനയിക്കുന്ന അതേ സമയം എന്റെ ഒപ്പവും ശ്രീനിവാസനൊപ്പവും അഭിനയിച്ചിരുന്നു. അങ്ങനെ ഒരു വേർതിരിവ് അവർ കാണിച്ചിരുന്നില്ല. ജീവിതത്തിൽ വലിയ കടപ്പാടുള്ള നടിയും സുഹൃത്തുമാണ് ഉർവശിയെന്നാണ് ഒരുവേള നടൻ ജ​ഗദീഷ് പറഞ്ഞത്. ഇരുവരും ഒരുമിച്ച് ഭാര്യ, സ്ത്രീധനം തുടങ്ങി ആറോളം സിനിമകളിൽ നായികാ നായകൻമാരായി അഭിനയിച്ചിരുന്നു.

സിനിമ രംഗത്ത് എനിക്ക് ഏറ്റവും അടുപ്പമുള്ള നടിയും ഉർവശിയാണ്. ഞാനൊരു കൊമേഡിയനാണെന്നുള്ള ധാരണ മാറ്റിയിട്ട് നിങ്ങൾക്കൊരു ഹീറോ ആവാനാവും നിങ്ങളൊരു ഹീറോ ആണ് എന്ന് എന്നോട് നിരന്തരം പറഞ്ഞ് എനിക്ക് കോൺഫിഡൻസ് തന്നിട്ടുള്ളത് ഉർവശിയാണ്. കാരണം ഉർവശി വളരെ സീനിയറായ ഒരു ഹീറോയിനാണ്. മമ്മൂട്ടിയുടെയും മോ​ഹൻലാലിന്റെയും കമൽ ഹാസന്റെയും ടോപ് ഹീറോയിൻ. അവരോടാെപ്പമഭിനയിച്ച് എന്റെ നായികയായിട്ട് വന്നപ്പോൾ ഇൻഡസ്ട്രിയിൽ മുഴുവൻ സംസാരമായിരുന്നു. ഉർവശി താഴോട്ട് പോയി, ജ​ഗദീഷിന്റെ ഹീറോയിനായി എന്ന് പറഞ്ഞു.

എന്നാൽ ആ പറച്ചിലുകൾ ഒന്നും ഉർവശി ചെവികൊണ്ടിരുന്നില്ല. എന്റെ ഒപ്പം ഏഴ് സിനിമകളിൽ നായികയായി അഭിനയിച്ചു. എനിക്ക് ജീവിതത്തിൽ വലിയ കടപ്പാടുണ്ട്. എന്റെയും ശ്രീനിവാസന്റെയും നായികയായി അഭിനയിച്ചതിന്റെ പേരിൽ ഉർവശിയെ ഒരുപാട് പേർ പരിഹസിച്ചു… പക്ഷെ ഉർവശി അതൊന്നും കാര്യമാക്കിയില്ല അവർ മികച്ച ഒരു കലാകാരി ആണെന്നും ജഗദീഷ് പറയുന്നു.