വെൺപാലവട്ടം ശ്രീചക്ര പുരസ്കാരം നടൻ സുരേഷ് ഗോപിക്ക് ! ഭരത്ചന്ദ്രന് ഐ.പി.എസ് എന്ന സിനിമാ കഥാപാത്രത്തില് നിന്ന് ഭാരതപുത്രന് എന്ന നിലയിലേക്ക് മാറി !
നടനും ബിജെപി നേതാവുമായ സുരേഷ് ഗോപിക്ക് വെൺപാലവട്ടം ക്ഷേത്ര ട്രസ്റ്റിന്റെ ശ്രീചക്ര പുരസ്കാരം. കേരള ഗവർണർ ആരിഫ് മുഹമ്മദ് ഖാൻ, സുരേഷ് ഗോപിയ്ക്ക് അവാർഡ് സമ്മാനിച്ചു. പുരസ്കാരം ഏറ്റുവാങ്ങുന്നതിന്റെ ചിത്രം സുരേഷ് ഗോപി തന്റെ സോഷ്യൽ മീഡിയ പേജുകളിലും പങ്കുവച്ചിട്ടുണ്ട്. ‘നന്ദിയുള്ളവൻ’ എന്ന അടിക്കുറിപ്പോടെയാണ് സുരേഷ് ഗോപി ചിത്രം പങ്കുവച്ചിരിക്കുന്നത്. ഒരു ലക്ഷം രൂപയും പഞ്ചലോഹനിര്മ്മിതമായ ശ്രീ ചക്രമേരുവും അടങ്ങുന്നതാണ് പുരസ്കാരം.
മുൻ വശങ്ങളിൽ ഇത് ഗായകരായ പി.ജയചന്ദ്രൻ, ജി. വേണുഗോപാൽ, എം.ജി ശ്രീകുമാർ, ചലച്ചിത്ര നടൻ ഇന്ദ്രൻസ് എന്നിവർക്ക് വെൺപാലവട്ടം ശ്രീചക്ര പുരസ്കാരം ലഭിച്ചിരുന്നു. സുരേഷ് ഗോപി നീതി വാങ്ങിനല്കുന്ന ഭരത്ചന്ദ്രന് ഐ.പി.എസ് എന്ന സിനിമാ കഥാപാത്രത്തില് നിന്ന് ഭാരതപുത്രന് എന്ന നിലയിലേക്ക് മാറി. സാധാരണക്കാരോടുള്ള അനുകമ്പയും സഹാനുഭൂതിയും അദ്ദേഹത്തെ വേറിട്ടതാക്കുന്നു. ജനങ്ങളെ സേവിക്കാന് അധികാരം ആവശ്യമാണ്. രാഷ്ട്രീയ അധികാരമല്ല. മറിച്ച് കാര്യങ്ങള് ചെയ്യാനുള്ള ശക്തിയാണ്. യഥാര്ത്ഥ ശക്തി ഉണ്ടാവുന്നത് അറിവ് നേടി സ്വയം തിരിച്ചറിയുമ്പോഴാണെന്നും ഗവര്ണര് വേദിയിൽ പറഞ്ഞു.
അതേസമയം പുരസ്കാരം ഏറ്റുവാങ്ങികൊണ്ട് സുരേഷ് ഗോപി പറഞ്ഞത് വെണ്പാലവട്ടത്തമ്മ പുരസ്കാരം ഭാര്യ രാധികയ്ക്ക് സമര്പ്പിക്കുകയാണെന്നാണ്. നിരവധി അവാര്ഡുകള് ജീവിതത്തില് ലഭിച്ചിട്ടുണ്ട്. പകുതിയും ഏറ്റുവാങ്ങാനായിട്ടില്ല. സാമൂഹ്യപ്രവര്ത്തന രംഗത്ത് വ്യാപരിക്കാന് തുടങ്ങിയപ്പോള് മുതല് ലഭിച്ച പുരസ്കാരങ്ങളില് 99 ശതമാനവും ഭാര്യയോ മകളോ ആണ് വാങ്ങിയിട്ടുള്ളത്. അതിനുകാരണം അവാര്ഡുകള്ക്ക് വേണ്ടിയാവരുത് തന്റെ പ്രവര്ത്തനങ്ങളെന്ന് നിര്ബന്ധമുള്ളതുകൊണ്ടാണ്. ഈ പുരസ്കാരം വാങ്ങാനുള്ള അര്ഹതയും രാധികയ്ക്കാണ്. അവര് അത് വാങ്ങിയിരുന്നെങ്കിലെന്ന് ആഗ്രഹിക്കുന്നു. ഹൃദയം കൊണ്ട് പുരസ്കാരം കൈമാറുകയാണ്.
അതുപോലെ ഗവർണർ ആരിഫ് മുഹമ്മദ്ഖാനിൽ നിന്നും അവാർഡ് ലഭിച്ചതിലും സുരേഷ് ഗോപി സന്തോഷം പങ്കുവെച്ചു. വരുംതലമുറയെ പടുകുഴിയില് നിന്ന് കരകയറ്റാന് ശ്രമിക്കുന്ന ഗവണര് ആരിഫ് മുഹമ്മദ് ഖാനില് നിന്ന് പുരസ്കാരം വാങ്ങാന് കഴിഞ്ഞത് അഭിമാനമാണ്. കേരളത്തിനു രക്ഷാപഥം തീര്ക്കുന്നയാളാണ് ഗവര്ണറെന്നും സുരേഷ് ഗോപി പറഞ്ഞു. അതേസമയം, വരാഹം ആണ് സുരേഷ് ഗോപിയുടേതായി അണിയറയിൽ ഒരുങ്ങുന്ന ചിത്രം. സനൽ വി ദേവൻ ആണ് സംവിധാനം. സുരേഷ് ഗോപിക്കും സുരാജ് വെഞ്ഞാറമൂടിനുമൊപ്പം തമിഴ് സംവിധായകനും നടനുമായ ഗൗതം വസുദേവ് മേനോനും പ്രധാന വേഷത്തിൽ എത്തുന്നുണ്ട്.
Leave a Reply