ബാബർ എന്ന മുകൾ ഭരണാധികാരിയായ അക്രമകാരി അയോധ്യയിലെ രാമക്ഷേത്രം തകർത്ത് അതിനു മുകളിലാണ് പള്ളി നിർമ്മിച്ചത് എന്നതിന്റെ വ്യക്തമായ തെളിവിന്റെ അടിസ്ഥാനത്തിനാണ് അവിടെ ക്ഷേത്രം പണിതത് ! വിവേക് ഗോപൻ പറയുന്നു !

ഇപ്പോൾ രാജ്യമെങ്ങും സംസാര വിഷയം അയോധ്യയിലെ രാമ ക്ഷേത്രവും അതിന്റെ ഉത്ഘടനവുമാണ്, ജനുവരി 22 നാണ് ഉത്‌ഘാടനം നടക്കുന്നത്. കഴിഞ്ഞ ദിവസം  കെ എസ് ചിത്ര രാമക്ഷേത്ര ഉത്‌ഘാടന സമയത്ത് വീട്ടിൽ വിളക്ക് കത്തിക്കണം എന്നും രാമമന്ത്രം ഉരുവിടണം എന്നും പറഞ്ഞതിന്റെ പേരിൽ ഇപ്പോൾ അവർക്കെതിരെ വലിയ രീതിയിലുള്ള സൈബർ ആക്രമണങ്ങൾ നടന്നുവരികയാണ്.

ഇപ്പോഴിതാ ഈ വിഷയത്തെ കുറിച്ച് പറഞ്ഞുകൊണ്ട് നടനും ബിജെപി പ്രവർത്തകനുമായ വിവേക് ഗോപൻ പങ്കുവെച്ച കുറിപ്പാണ് ഏറെ ശ്രദ്ധ നേടുന്നത്. വിവേകിന്റെ ആ വാക്കുകൾ ഇങ്ങനെ, ഇത് വാനമ്പാടി അല്ല കള്ളിപ്പൂങ്കുയിൽ.. ഇന്നലെ വരെ k.sചിത്ര എന്ന മലയാളത്തിൻറെ സ്വകാര്യ അഹങ്കാരം ചിലർക്ക് ഇന്ന് കേവലം അഹങ്കാരിയായി മാറി… അതിന് ചിത്ര ചെയ്ത തെറ്റ് രാമനാമം ഉരുവിടണം എന്ന അഭ്യർത്ഥന ഒരു പ്രാർത്ഥനാ സ്വരത്തിൽ നമ്മുടെ മുന്നിൽ അവതരിപ്പിച്ചത് മാത്രമാണ്.. രാമൻ എന്ന വിശ്വാസം പുലർത്തണമെങ്കിൽ ചിലരുടെ സമ്മതപത്രം വേണമത്രേ. ആരുടെ..

ബഹുമാനപ്പെട്ട സുപ്രീംകോടതി അയോധ്യയിൽ ശ്രീരാമ ക്ഷേത്രമെന്ന് വിധിച്ചത് വിശ്വാസത്തിന്റെ വൈകാരികതയോ ഭൂരിപക്ഷം വരുന്ന ഹിന്ദു സമൂഹത്തിന്റെ ആഗ്രഹത്തെ മുൻനിർത്തി ആണോ, ഒരിക്കലുമല്ല… തെളിവുകൾ (സോളിഡ് എവിഡൻസ്) മുൻനിർത്തി തന്നെയാണ്.. ബാബർ എന്ന മുകൾ ഭരണാധികാരിയായ അക്രമകാരി അയോധ്യയിലെ രാമക്ഷേത്രം തകർത്ത് അതിനു മുകളിലാണ് പള്ളി നിർമ്മിച്ചത് എന്നതിന് വ്യക്തമായ തെളിവുകൾ കണ്ടെത്തിയിട്ടുണ്ട്..

മലയാളിയായ കെ കെ മുഹമ്മദ് ഉൾപ്പെടുന്ന ആർക്കിയോളജിക്കൽ വിഭാഗം കോടതി നിർദേശപ്രകാരം വിവിധ ഘട്ടങ്ങളിൽ ഉത്ഖനനം നടത്തിയപ്പോൾ അവിടെ ഹിന്ദു ദേവതകളുടെ ചിത്രങ്ങൾ ആലേഖനം ചെയ്ത കൽത്തൂണുകളും വിഗ്രഹങ്ങളും ഹൈന്ദവ ബിംബങ്ങളും ഉൾപ്പെടെ പുരാതന അയോധ്യ രാമക്ഷേത്രത്തിന്റെ അവശിഷ്ടങ്ങളാണ് കണ്ടെത്താൻ കഴിഞ്ഞത്.. ഇതൊക്കെ അവിടെ പള്ളി പണിഞ്ഞപ്പോൾ മതേതരത്വം പൂത്തു ഉലയാൻ ബാബർ പ്രതിഷ്ഠിച്ചത് അല്ലല്ലോ..

ക്ഷേത്രം പൊ,ളി,ച്ചു ബാബർ പണിത പള്ളിയുടെ വിളിപ്പേര് പോലും ജന്മസ്ഥൻ മോസ്ക് എന്നറിയപ്പെട്ടു. ആരുടെ ജന്മസ്ഥലം, ബാബർ ജനിച്ചത് അയോധ്യയിൽ അല്ലല്ലോ പ്രവാചകന്മാരോ ഖലീഫമാരോ ആരും തന്നെ അയോധ്യയിൽ ജനിച്ചിട്ടില്ല ജനിച്ചത് രാമൻ തന്നെയാണ്.. മക്ക പോലെ മദീന പോലെ വത്തിക്കാൻ പോലെ തന്നെയാണ് അയോധ്യയും രാമനും. അയോദ്ധ്യ ക്ഷേത്ര വിമോചന പ്രക്ഷോഭം ഇന്നലെയോ ഇന്നോ തുടങ്ങിയതല്ല
ബാബർ എന്ന് ക്ഷേത്രം പൊളിച്ചോ ആ കാലഘട്ടം മുതൽ തുടങ്ങിയതാണ്..യഥാർത്ഥത്തിൽ മുകളന്മാർ തകർത്തെറിഞ്ഞ ഗുജറാത്തിലെ സോമനാഥ ക്ഷേത്രം സ്വാതന്ത്ര്യാനന്തരം പുനർനിർമ്മിച്ചത് പോലെ പരിഹരിക്കേണ്ടിയിരുന്ന ഒരു പ്രശ്നം ഹിന്ദു മുസ്ലിം പ്രശ്നമാക്കേണ്ടത് ഇടത് (മന്ദ)ബുദ്ധി ജീവികളുടെ ആവശ്യമായിരുന്നു.

സത്യ,ത്തിൽ നിങ്ങളുടെ പ്രശ്നം എന്താണ്?.. അയോധ്യ തർക്ക വിഷയത്തിൽ പ്രധാന കക്ഷിയായിരുന്ന അൻ,സാരിയുടെ മകനും കുടുംബവും ഉൾപ്പെടെയുള്ളവർ വരെ കോടതിവിധിയെ അംഗീകരിച്ചു, സർവ്വസാധാരണ ജനങ്ങളും പൊതുസമൂഹവും അംഗീകരിച്ചു.. നിങ്ങൾക്ക് എന്താണ് വേണ്ടത്. ഇവിടെ ഹിന്ദുവും മുസൽമാനും ക്രിസ്ത്യാനിയും ബുദ്ധനും ജൈനനും പാഴ്സിയും തമ്മിൽ തല്ലിത്തീരണോ.. പക്ഷേ നിങ്ങൾ എത്ര തീ കോരി ഇട്ടിട്ടും അത് കത്തുന്നില്ലല്ലോ..കനൽ ഒരു തരി ഒന്നും പോരാ.. കാരണം ആ തീ കെടുത്താനുള്ള ജലം ഒക്കെ ഇപ്പോഴും ഹിന്ദു മഹാസമുദ്രത്തിലുണ്ട്… മനസ്സിലായോ സാറേ.. എന്നും വിവേക് ഗോപൻ പറയുന്നു.