സിൽക്ക് സ്മിതയെ മറക്കാൻ എനിക്ക് കഴിയില്ല ! വിവാഹ ശേഷം ഞങ്ങൾ ഒരുമിച്ച് ഹണിമൂണിന് പോകാൻ ഇരിക്കുമ്പോഴാണ് അത് സംഭവിച്ചത് !മധുപാൽ !

ഒരു സമയത്ത് സിനിമ ലോകത്തിന്റെ തുടിപ്പായിരുന്നു സിൽക്ക് സ്മിത. ആന്ധ്രാപ്രദേശിൽ ഏളൂർ എന്ന ഗ്രാമത്തിൽ ഒരു പാവപ്പെട്ട കുടുംബത്തിൽ ജനിച്ച സ്മിത വളരെ യാദർശികമായിട്ടാണ് സിനിമ ലോകത്ത് എത്തപ്പെട്ടത്. തമിഴ് നടൻ വിനു ചക്രവർത്തിയാണ് നടിയെ സിനിമ ലോകത്തിന് പരിചയപ്പെടുത്തിയത്. വശ്യതയാർന്ന കണ്ണുകളാണ് നടിയുടെ സൗന്ദര്യം. വളരെ പെട്ടന്നായിരുന്നു ആ നടിയുടെ വളർച്ച. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലായി ഏകദേശം 450 ലധികം ചിത്രങ്ങളിൽ അവർ അഭിനയിച്ചു.

ഒരിക്കൽ സംവിധായകനും നടനുമായ മധുപാൽ സ്മിതയെ കുറിച്ചുള്ള ഓർമ്മകൾ പങ്കുവെച്ചിരുന്നു. അദ്ദേഹം പറഞ്ഞ ആ കാര്യങ്ങളാണ് ഇപ്പോൾ വീണ്ടും ഏറെ ശ്രദ്ധ നേടുന്നത്, അദ്ദേഹത്തിന്റെ വാക്കുകൾ ഇങ്ങനെ, എന്റെ ജീവിതത്തിലെ ഏറ്റവും വലിയ ഭാഗ്യം എന്ന് പറയുന്നത് സ്മിതയുടെ ജീവിതത്തിൽ അവരെ വിവാഹം കഴിച്ച ഒരേ ഒരാൾ അത് ഞാനാണ് എന്നതാണ്. മറ്റുള്ളവർ അവരുടെ കൂടെ റൊമാറ്റിക് വേഷങ്ങളാണ് കൂടുതലും ചെയ്തിരിക്കുന്നത്.

അന്ന് ഞാൻ അവരോടൊപ്പം അഭിനയിക്കുന്ന സമയത്ത് അവർ ഇന്ത്യൻ സിനിമയിൽ വളരെ തിരക്കുള്ള ഒരു അഭിനേത്രിയായിരുന്നു. പള്ളിവാതിക്കൽ തൊമ്മിച്ചൻ എന്ന ചിത്രത്തിൽ തിരിട്ട് കല്യാണം എന്ന രീതിയുള്ള ഒരു സീനാണ് ഞങ്ങൾ ഒരുമിച്ച് ചെയ്‌തത്‌. പള്ളിയിൽ വെച്ചുള്ള ഒരു വിവാഹ രംഗം. അതായത് യഥാർഥ ഒരു ക്രിസ്ത്യൻ വിവാഹം നടക്കുന്ന പോലെ എല്ലാം ഒരുക്കങ്ങളും ചടങ്ങുകളും ഉണ്ടായിരുന്നു.

അവരെ ഞാൻ താലികെട്ടി കൈ,പിടിച്ച് കാറിൽ കയറുന്നത് വരെയുള്ള രംഗമാണ് ഞങ്ങൾ ഒരുമിച്ച് ചെയ്തിരുന്നത്. ആ സീൻ കഴിഞ്ഞ് അവർ വളരെ വികാരാവതിയായി എന്നോട് പറഞ്ഞു, ‘എന്റെ ജീവിതത്തിൽ ഒരുപാട് ചിത്രങ്ങൾ ഞാൻ ചെയ്തിരുന്നു. പക്ഷെ എന്നെ വിവാഹം കഴിക്കുന്ന ഒരു രംഗംപോലും എന്റെ വ്യക്തി ജീവിതത്തിൽ ഉണ്ടായിട്ടില്ല, സിനിമകളിലും ഉണ്ടായിട്ടില്ല, വീണ്ടും എന്റെ കൈ പിടിച്ചുകൊണ്ട് പറഞ്ഞു എന്നെ ഒരാൾ വിവാഹം കഴിക്കുന്നത് ആദ്യമായിട്ടാണ്.

ഇത്രയും നാളത്തെ എന്റെ ജീവിതത്തിൽ ഇത് ആദ്യത്തെ ഒരു അനുഭവമായിരുന്നു. ഒരിക്കലും മറക്കില്ല.  എനിക്ക് ഒരുപാട് സന്തോഷമുണ്ട്’ എന്നൊക്കെ, അത് അവരുടെ മനസ്സിൽ നിന്നും വന്ന വാക്കുകൾ ആയി തോന്നി, ശേഷം എന്നോട് പറഞ്ഞു ഞാൻ ഇപ്പോൾ മറ്റൊരു ഷൂട്ടിംഗ് സെറ്റിലേക്ക് പോകുകയാണ്, അത് കഴിഞ്ഞ് വന്ന് നമുക്ക് ഹണിമൂൺ പോകാമെന്ന്, അപ്പോൾ റിമി ടോമി ഇടക്ക് കയറി പറഞ്ഞു, നിങ്ങൾ പോയി ഞങ്ങൾ അറിഞ്ഞു എന്ന്.. അപ്പോൾ അദ്ദേഹം പറഞ്ഞു ഹേയ് ഇല്ല പോകാൻ സാധിച്ചില്ല, ഈ സംഭവം കഴിഞ്ഞ് കുറച്ച് ആയപ്പോഴാണ് എന്നെയും സിനിമ ലോകത്തെയും ഞെട്ടിച്ചുകൊണ്ട് ആ ദുഖ വാർത്ത തേടി എത്തിയതെന്നും അദ്ദേഹം പറയുന്നു