ആ സീന്‍ എടുക്കുന്നതിന് മുന്‍പേ തന്നെ ലാല്‍ സാര്‍ എന്നോട് ക്ഷമ ചോദിച്ചിരുന്നു ! പക്ഷെ എന്റെ മറുപടി ഇതായിരുന്നു ! മീര വാസുദേവ് പറയുന്നു !
സിനിമയിലും സീരിയലിലും ഒരുപോലെ തിളങ്ങി നിൽക്കുന്ന അഭിനേത്രിയാണ് മീര വാസുദേവൻ. ബോളിവുഡ് സിനിമയിൽ വരെ ശ്രദ്ധ നേടിയ മീര മലയാളത്തിൽ ,മോഹൻലാൽ നായകനായ ബ്ലെസ്സി സംവിധാനം ചെയ്ത സൂപ്പർ ഹിറ്റ് ചിത്രം തൻമാത്രയിൽ നായികയായി എത്തിയതായാണ് അവരുടെ കരിയറിലെ തന്നെ ഏറ്റവും മികച്ച ചിത്രം. ചിത്രത്തിൽ ലേഖ എന്ന കഥാപാത്രമായി അവർ ജീവിക്കുക ആയിരുന്നു. ചിത്രത്തില്‍ മോഹന്‍ലാല്‍ നഗ്നായി അഭിനയിച്ച രംഗത്ത് കൂടെ അഭിനയിച്ചതിനെ കുറിച്ച് റെഡ് കാര്‍പെറ്റ് എന്ന ഷോയില്‍ എത്തിയപ്പോള്‍ മീര സംസാരിച്ചിരുന്നു. മീരയുടെ വാക്കുകളാണ് ഇപ്പോൾ ഏറെ ശ്രദ്ധ നേടുന്നത്.
സ്വാഭാവികമായും എല്ലാവരും ചോദിക്കുന്ന ഒരു ചോദ്യമാണ് ഇത്തരം രംഗങ്ങളിൽ അഭിനയിക്കാന്‍ ഒരു മടി ഉണ്ടാവുമോ എന്ന്. സത്യത്തില്‍ എന്റെ ആദ്യ ഹിന്ദി ചിത്രത്തില്‍ ഒരു ചുംബന രംഗം ഉണ്ടായിരുന്നു. ആ രംഗത്തെ കുറിച്ച് ആദ്യം തന്നെ സംവിധായകന്‍ എല്ലാം വളരെ വിശദമായി എനിക്ക് പറഞ്ഞു തന്നിരുന്നു. ഞാൻ ഇത്തരം കാര്യങ്ങൾ വളരെ ടെക്‌നിക്കലായിട്ടാണ് നോക്കികാണുന്നത്. അന്ന് ആ സീൻ ഷൂട്ട് ചെയ്തത് ഭയങ്കര തണുപ്പുള്ള സ്ഥലത്ത് ആയിരുന്നു. എന്റെ ചുണ്ടുകള്‍ എല്ലാം മരവിച്ച് നില്‍ക്കുകയായിരുന്നു. സത്യത്തില്‍ ആ ഫീല്‍ തന്നെ എനിക്ക് ഉണ്ടായിട്ടില്ല. ഒറ്റ ടേക്കില്‍ അത് ഓകെയായി.
അതിനു ശേഷം അതുപോലെ ചുംബിക്കാൻ കഴിയുമോ എന്ന് ചോദിച്ചാൽ വളരെ വ്യക്തമായി ഞാൻ നോ എന്ന് പറയും. ഇത് ജോലിയാണ്. ജോലി എന്റെ ദൈവമാണ്. അതുകൊണ്ട് അതിലെനിക്ക് നൂറ് ശതമാനം കൊടുക്കണം. സിനിമ ആവശ്യപ്പെടുന്ന അത്തരം രംഗങ്ങള്‍ ചെയ്യുന്നതിനോട് എനിക്ക് വിരോധമില്ല. തന്മാത്ര എന്ന ചിത്രത്തെ കുറിച്ച് ബ്ലെസ്സി സാർ എന്നോട് ആദ്യ മീറ്റിങ്ങിൽ തന്നെ വളരെ വ്യക്തമായി കഥ പറഞ്ഞ് മനസിലാക്കി തന്നിരുന്നു. ശേഷം അദ്ദേഹം എന്നോട് പറഞ്ഞത് ഇതിന് മുന്‍പ് പല പ്രമുഖ നടിമാരെയും നോക്കിയിരുന്നു, പക്ഷെ മോഹന്‍ലാലിന്റെ ആ രംഗം ഉള്ളത് കൊണ്ട് മാത്രം ആരും തയ്യാറാവുന്നില്ല എന്ന്. നിങ്ങള്‍ക്ക് കംഫര്‍ട്ട് ആണോ എന്ന് ചോദിച്ചപ്പോള്‍ ഞാന്‍ ചോദിച്ചത്, ആ രംഗം സിനിമയ്ക്ക് എത്രത്തോളം പ്രാധാന്യമാണ് എന്നാണ്. അതിനുത്തരം കിട്ടിയപ്പോള്‍ എനിക്ക് വേറെ ചിന്തിക്കേണ്ടിയിരുന്നില്ല.
ലാൽ സാർ ചെയ്യുന്ന ആയ കഥാപാത്രത്തിന്റെ മാറ്റം അവിടം തൊട്ടാണ് തുടങ്ങുന്നത്, ഭാര്യ തന്റെ ഭർത്താവിന്റെ രോഗം മനസിലാക്കുന്നത് ആ രംഗത്തോടെയാണ്. ഭാര്യയുടെ കാഴ്ചപ്പാടില്‍ നോക്കുമ്പോള്‍ ആ രംഗം സിനിമയ്ക്ക് അത്യാവശ്യമാണ്. ഞാന്‍ ഫുള്‍ മറഞ്ഞു നില്‍ക്കുകയാണ്. ലാല്‍ സാറിനെയാണ് ആ രംഗത്ത് ഫോക്കസ് ചെയ്യുന്നത്. ലാല്‍സര്‍ പൂര്‍ണ നഗ്നനായിട്ടാണ് നില്‍ക്കുന്നത്. അത് അദ്ദേഹത്തിന് വളരെ വെല്ലുവിളി നിറഞ്ഞതായിരുന്നു. മോഹൻലാൽ എന്ന നടനോട് എനിക്കുള്ള മാതുപ്പും ബഹുമാനവും വളരെ വലുതാണ്.
ഒരു കഥാപാത്രത്തിന് വേണ്ടി ഇത്രയും വലിയൊരു ത്യാഗം വേണമോ എന്ന് ഞാൻ പോലും ചിന്തിച്ചിരുന്നു. ആ രംഗം എടുക്കുന്നതിന് മുൻപേ തന്നെ ലാല്‍ സാര്‍ എന്നോട് ക്ഷമ ചോദിച്ചിരുന്നു, ‘എവിടെയെങ്കിലും ഞാന്‍ നിങ്ങളെ നാണം കെടുത്തുകയാണെങ്കില്‍ എന്നോട് ക്ഷമിക്കണം’ എന്നാണ് അദ്ദേഹം പറഞ്ഞത്. പക്ഷെ അവിടെ നാണിക്കേണ്ട കാരമില്ല, ഇത് ജോലിയാണ് എന്നാണ് ഞാൻ അദ്ദേഹത്തോട് പറഞ്ഞത്.
ആ രംഗം ഷൂട്ട് എടുക്കുന്നതിന് മുമ്പ് ലാൽ സാർ ഒരു പെറ്റിക്കോട്ട് ആണ് ധരിച്ചിരുന്നത്. ഷോട്ട് റെഡിയായപ്പോള്‍ അത് ഊരി മാറ്റി. ഷൂട്ട് ചെയ്യുന്ന സമയത്ത് വളരെ അത്യാവശ്യമുള്ള ക്രൂ മാത്രമേ അവിടെ ഉണ്ടായിരുന്നുള്ളൂ. ഒരു സ്ത്രീ എന്ന നിലയില്‍ എനിക്ക് അതാണ് കംഫര്‍ട്ട് എന്ന് നേരത്തെ ഞാന്‍ സംവിധായകനോട് പറഞ്ഞിരുന്നു. വേറെ ക്യാമറകളോ ഫോട്ടോ എടുക്കാനോ ഉള്ള സൗകര്യമില്ല, ഈ റൂം തീര്‍ത്തും മൂടി കെട്ടിയിരുന്നു. ആവശ്യത്തിനുള്ള ലൈറ്റ് സെറ്റ് ചെയ്ത ശേഷം ലൈറ്റ്‌സ് ബോയിസ് എല്ലാം പുറത്ത് പോയി. അതുകൊണ്ട് തന്നെ ആ രംഗം ചെയ്യുമ്പോള്‍ ഞങ്ങളും ഫ്രീ ആയിരുന്നു. അന്ന് ആ രംഗം ചെയ്യുമ്പോഴും, ഇപ്പോള്‍ പറയുമ്പോഴും ആ രംഗത്തിന് ഒരു വലിയ മഹത്വമുണ്ട് എന്നും മീര പറയുന്നു.
Leave a Reply