പ്രായം 27, സ്വന്തമായി ഒരു വീട് വെച്ചു, കാർ വാങ്ങി ! ഇനി ഒരേ ഒരു ആഗ്രഹം, ചേച്ചിയെ ചേർത്ത് നിർത്തി സൂരജ് പറയുന്നു !

ബിഗ് ബോസ് സീസൺ 4 കഴഞ്ഞതോടെ സൂരജിനെ ഇപ്പോൾ കൂടുതൽ പേര് അറിഞ്ഞു തുടങ്ങി. മിമിക്രി കലാരംഗത്ത് കൂടിയാണ് ഈ ചെറുപ്പക്കാരൻ വെള്ളിത്തിരയിലേക്ക് ചുവട് വെച്ചത്. കൈവെച്ച മേഖലകൾ എല്ലാം വിജയം കൈവരിക്കാൻ ഈ ചെറുപ്രായത്തിനുള്ളിൽ തന്നെ സൂരജിന് കഴിഞ്ഞു. തന്റെ കുറവുകളെ മുന്നോട്ടുള്ള ജീവിതത്തിന്റെ ഊർജ്ജമയാണ് സൂരജ് കണക്കാക്കുന്നത്. ടെലിവിഷൻ പരിപാടികളിൽ കൂടി ശ്രദ്ധ നേടിയ സൂരജിന്റെ ആദ്യ ചിത്രം ദുൽഖർ ചിത്രം ചാർളി ആയിരുന്നു. പിന്നീട് ഉദാഹരണം സുജാത, വിമാനം,    അമ്പിളി തുടങ്ങിയ ചിത്രങ്ങളിൽ മികച്ച വേഷങ്ങൾ കൈകാര്യം ചെയ്തിരുന്നു, കൂടാതെ അതിനോടൊപ്പം നിരവധി സ്റ്റേജ് ഷോകളും ചെയ്യാറേണ്ടതായിരുന്ന സൂരജ് കലയോടൊപ്പം പഠനവും മുന്നോട്ട് കൊണ്ടുപോകുന്നുണ്ട്..

ജീവിതത്തിൽ ഒരു വഴിത്തിരിവായത്  സുരാജ് വെഞ്ഞാറമൂട് നായകനായ ‘ആൻഡ്രോയിഡ് കുഞ്ഞപ്പൻ’ എന്ന ചിത്രം തന്നെ ആയിരുന്നു.  ഒരു സാധാരണ ഇടത്തരം കുടുംബത്തിലാണ് സൂരജ് ജനിച്ചത്. തന്റെ ജീവിതത്തെ കുറിച്ച് സൂരജ് തന്നെ പറഞ്ഞരുന്നത് ഇങ്ങനെ, ഒരുപാട് കഷ്ടപാടുകളും  ബുദ്ധിമുട്ടലുകളും ചെറുപ്പത്തിൽ താന്നെ അനുഭവിച്ചിരുന്നു, അച്ഛനും അമ്മയ്ക്കും ഞങ്ങൾ  രണ്ടു മക്കളാണ് മൂത്തത് ചേച്ചി ഇളയത് താനും, അന്ന് തന്നെ ഏറെ വിഷമിപ്പിച്ചു ഒരു കാര്യം എനിക്കും ചേച്ചിക്കും പൊക്കം വെയ്ക്കാനുള്ള മരുന്നുകൾ വാങ്ങിച്ച് അച്ഛന്റെ പോക്കറ്റിലെ ഒരുപാട് കാശ് പോയിട്ടുണ്ട്, കുപ്പികള്‍ കൊണ്ട് ഞങ്ങളുടെ വീട് നിറഞ്ഞു എന്നല്ലാതെ ഞാന്‍ നാലിഞ്ചില്‍ നിന്നും ചേച്ചി മൂന്നിഞ്ചില്‍ നിന്നും ഒരു സെന്റീമീറ്റര്‍ പോലും വളര്‍ന്നില്ല.

എന്നാൽ വളർച്ച ഇല്ലാത്ത ഞങ്ങളുടെ ശരീരത്തിന് മാത്രമാണ്. മനസുകൊണ്ട് ഞങ്ങൾ ഒരുപാട് ഉയരത്തിലാണ്. സ്വാതി എന്നാണ് എന്റെ ചേച്ചിയുടെ പേര്. സ്വാതിയുടെ വാക്കുകൾ ഇങ്ങനെ, ഞങ്ങളുടെ ഈ കുറവിൽ ഞങ്ങളെക്കാളും കൂടുതൽ വിഷമിച്ചത് അച്ഛനും അമ്മയുമാണ്, ചുറ്റുമുള്ളവരുടെ സഹതാപം കൂടിയാകുമ്പോൾ.. പിന്നെ സൂരജ് പ്രശസ്തനായതോടെയാണ് എല്ലാവരും ചിരിച്ചു തുടങ്ങിയത്. എങ്കിലും എനിക്ക് ഇടക്കൊക്കെ ചെറിയ വിഷമം വരാറുണ്ട്. അപ്പോൾ സൂരജ് പറഞ്ഞു, ചെറുതല്ല നല്ലരീതിയിൽ വിഷമം വരാറുണ്ട്.

കലാപരമായി എന്നെക്കാൾ കഴിവുള്ളത് ചേച്ചിക്കാണ് എന്നും, പക്ഷെ മുന്നോട്ട് വരാതെ എപ്പോഴും പിന്നിൽ തന്നെ  നിൽക്കാനാണ് ചേച്ചി ആഗ്രഹിച്ചത്, ഞാൻ എപ്പോഴും പറയാറുണ്ട്, മറ്റുള്ളവരെ നോക്കി നമുക്ക് ജീവിക്കാൻ പറ്റുമോ, പലരും പലതും പറയും അതിലൊന്നും ടെൻഷൻ അടിക്കരുത് എന്നതാണ് എന്റെ രീതി. ചേച്ചിക്ക് ചുറ്റുമുള്ളവർ സഹതാപത്തോടെ ആ പാവത്തെ കാണുമ്പോൾ അത് ഉൾവലിയുകയാണ് എന്നും സൂരജ് പറയുന്നു.

എന്റെ ഇത്രയും നാളത്തെ കഷ്ടപ്പാടിന്റെ ബലമായി കിട്ടിയ കൊച്ചു സമ്പാദ്യം കൊണ്ട് ഒരു വീട് പണിതു, പിന്നെ ഒരു കാറും വാങ്ങി.  ഇനി എന്റെ ഏറ്റവും വലിയ ഒരു ആഗ്രഹം ചേച്ചിയുടെ വിവാഹമാണ്, അവളെ സ്വീകരിക്കാൻ കഴിയുന്ന വലിയ മനസുള്ള ഒരാളെ വേണം. ഈ സുന്ദരിക്കുട്ടിയെ എനിക്ക് ധൈര്യമായി അയാളുടെ കൈ പിടിച്ച് കൊടുക്കണം, നടക്കും നടക്കാതെ എവിടെ പോകാൻ എന്നും സൂരജ് പറയുന്നു.